აღმოაჩინეთ მსოფლიოს სუბტროპიკული ფლორა
დაგეგმეთ სტუმრობა ბოტანიკურ ბაღში
ისარგებლეთ ჩვენი ექსკურსიებით
მოინახულეთ ბათუმის ბოტანიკური ბაღი
შემოდგომა ბოტანიკურ ბაღში
მწვანე კონცხის პანორამული ხედები
მაგნოლიების სილამაზე
ერთწლიანი და მრავალწლიანი ყვავილების მრავალფეროვნება
ეგზოტურ მცენარეთა მრავალფეროვნება
ყოველწლიური ვიზიტორი
ბათუმის ბოტანიკური ბაღი განთავსებულია აჭარაში, ქალაქ ბათუმიდან 9 კმ დაშორებით.
1881 წლიდან, ბათუმის მხარეში მნიშვნელოვანი საინტროდუქციო სამუშაოები ერთ-ერთმა პირველმა მოაგარაკემ, მეჩესლავ დ’ალფონსმა ჩაატარა, რომელსაც ჩაქვის მახლობლად საკუთარი ბაღი ჰქონდა. სწორედ აქედან დაიწყო ბათუმის ბოტანიკური ბაღის ისტორიაც, რომელიც 2012 წელს, ბათუმის ბოტანიკური ბაღის ოფიციალური დაარსებით დაგვირგვინდა.
ბათუმის ბოტანიკურ ბაღს, ქალაქ ბათუმის ცენტრიდან 9 კილომეტრში, მდინარე ჩაქვისწყლის შესართავს და მწვანე კონცხს შორის მდებარე სანაპირო ზოლის დაახლოებით 1 კმ სიგრძის სამხრეთ-დასავლეთი მონაკვეთი უკავია, რომელიც ზღვის დონიდან 0-220 მეტრ სიმაღლემდე ვრცელდება და არცთუ შორეულ წარსულში, მთლიანად კოლხური ტიპის ტყით (წიფელი, წაბლი, ცაცხვი) და მარადმწვანე ქვეტყით (წყავი, შქერი და სხვ.) იყო დაფარული.
ბათუმის ბოტანიკური ბაღი სპეციფიკური და მრავალფეროვანი ფიზიკურ-გეოგრაფიული პირობებით ხასიათდება.
მოგზაურობა სამოთხეში
ბათუმის ბოტანიკური ბაღი კარგი ადგილია სასეირნოდ და ციცაბო ფერდებიდან ზღვის ულამაზესი ხედების დასათვალიერებლად. ძალიან სასიამოვნო შეგრძნებაა იდგე დიდი, უცნაური და ლამაზი ხეებითა და ყვავილებით გარშემორტყმულ ადგილას და ამავდროულად უცქერდე მოცურავე გემებს ზღვაში.
ულამაზესი ბაღი
ბათუმის სტუმრობა ბოტანიკური ბაღის მონახულების გარეშე წარმოუდგენელია, ის ნამდვილად ულამაზესი და ძალიან დიდია. გამოირჩევა საუკეთესო ხედებით შავ ზღვაზე. მისასვლელად შეგიძლიათ იმგზავროთ ტაქსით ან მარშუტკით.
ლამაზი ადგილია
შესანიშნავი, ძალიან საინტერესო და ლამაზი ადგილია. გირჩევთ, ისარგებლოთ ექსკურსიის მომსახურებით გიდთან ერთად.
