ბათუმის ბოტანიკური ბაღი მოგესალმებათ!
ბათუმის ბოტანიკურ ბაღს, ქალაქ ბათუმის ცენტრიდან 9 კილომეტრში, მდინარე ჩაქვისწყლის შესართავს და მწვანე კონცხს შორის მდებარე სანაპირო ზოლის დაახლოებით 1 კმ სიგრძის სამხრეთ-დასავლეთი მონაკვეთი უკავია, რომელიც ზღვის დონიდან 0-220 მეტრ სიმაღლემდე ვრცელდება და არცთუ შორეულ წარსულში, მთლიანად კოლხური ტიპის ტყით (წიფელი, წაბლი, ცაცხვი) და მარადმწვანე ქვეტყით (წყავი, შქერი და სხვ.) იყო დაფარული.
ბათუმის ბოტანიკური ბაღი სპეციფიკური და მრავალფეროვანი ფიზიკურ-გეოგრაფიული პირობებით ხასიათდება.
დაგეგმე ვიზიტი
ბათუმის ბოტანიკური ბაღი განთავსებულია აჭარაში, ქალაქ ბათუმიდან 9 კმ დაშორებით.(დეტალურად).
ბათუმის ბოტანიკური ბაღის ისტორია
ისტორია 1881 წლიდან!
1881 წლიდან, ბათუმის მხარეში მნიშვნელოვანი საინტროდუქციო სამუშაოები ერთ-ერთმა პირველმა მოაგარაკემ, მეჩესლავ დ’ალფონსმა ჩაატარა, რომელსაც ჩაქვის მახლობლად საკუთარი ბაღი ჰქონდა.
ბათუმის ბოტანიკური ბაღის დაარსება დაკავშირებულია ხარკოვის უნივერსიტეტის პროფესორის ანდრია კრასნოვის სახელთან. 1912 წლის 3 ნოემბერს სათავე დაედო ბათუმის ბოტანიკური ბაღის ორგანიზაციის საქმეს.
1998 წლიდან ბათუმის ბოტანიკური ბაღი მსოფლიოს ბოტანიკური ბაღების მცენარეთა დაცვის საერთაშორისო საბჭოს (BGCI) წევრი გახდა.
2012 წელს ბაღის ასწლოვანი იუბილე არაერთი ღონისძიებით აღინიშნა, რომელიც 2013 წლის მაისში, საერთაშორისო სამეცნიერო-პრაქტიკული კონფერენციით დასრულდა.
სიახლეები
-
ვიზიტი ჩინეთის სახალხო რესპუბლიკაში
2018 წლის 09 დეკემბერს, ბათუმის ბოტანიკურ ბაღსა და ჩინეთის მეცნიერებათა აკადემიის კუმნინის ბოტანიკის ინსტიტუტს შორის გაფორმებული ურთიერთგაგების მემორანდუმის ფარგლებში, მიმდინარე წლის 26 მაისიდან 04 ივნისის ჩათვლით, ბაღის დირექტორი, ირაკლი არჩაია და დირექტორის მოადგილე, დავით ხარაზიშვილი მივლინებით იმყოფებოდნენ ჩინეთის სახალხო რესპუბლიკაში, ქ. კუმნინგში (იუნანის პროვინციაში), საერთაშორისო სიმპოზიუმში მონაწილეობის მისაღებად.
ვრცლად -
საქართველოს ბიომრავალფეროვნების კვლევისა და კონსერვაცის მიღწევები და პერსპექტივები
2019 წლის 20-22 მაისს, საქართველოს ეროვნული ბოტანიკური ბაღის ორგანიზებით გაიმართა პირველი საერთაშორისო სამეცნიერო კონფერენცია - „საქართველოს ბიომრავალფეროვნების კვლევისა და კონსერვაცის მიღწევები და პერსპექტივები“
ვრცლად -
ჩატარდა კამელიების ტრადიციული გამოფენა
დღეს, ბათუმის ბოტანიკურ ბაღში კამელიების გამოფენა გაიმართა. იაპონურ ბაღში წარმოდგენილი იყო კამელიების 70-მდე ჯიში და 30-მდე ჰიბრიდული ფორმა. გამოფენაზე სტუდია ,,სამა"-ს მოცეკვავეებმა დამთვალიერებელს იაპონური ცეკვა წარმოუდგინეს.
ვრცლად -
კამელიების გამოფენა
მიმდინარე წლის 27 მარტს, 15:00 საათზე, ბათუმის ბოტანიკური ბაღი გეპატიჟებათ კამელიების გამოფენაზე.
ვრცლად
